Оригинални Opel делови

Оригиналните рамни бришачи од Opel се најнова технологија за бришење стакла. „Рамната“ конструкција со интегрирани спојлери и висок притисок при контакт овозможуваат совршено налегнување и перформанси. Тоа ја намалува бучавата од ветрот при поголеми брзини и нуди подобри особини во зима затоа што немаат централи делови или зглобови кои можат да замрзнат.

Изработени од целосно синтетичка гума со слој за лесно лизгање, тие се проверени за секој модел на автомобил. Интегрираните спојлери и претходно монтираните адаптери овозможуваат лесна монтажа. Поради безбедносни причини, Opel препорачува да ги менувате бришачите барем еднаш годишно.

Оригиналните Opel дискови за сопирачки се изработени за најдобри перформанси и најкратки растојанија на сопирање. За секој модел тие се посебно дизајнирани како оригинална опрема и се тестираат за совршено функционирање и максимална издржливост.

Нашите дискови секогаш имаат квалитетна завршна обработка како оригинална опрема - мазни и рефлектирачки за намалување на трошењето на плочките и шумот. Тие се 100% заштитени од корозија. Дисковите за сопирачки секогаш треба да се менуваат во пар (комплет на оска).

Оригиналните Opel плочки за сопирачките се посебно дизајнирани за секој модел како оригинална опрема и ги задоволуваат спецификациите за највисоки перформанси, без компромиси во поглед на квалитетот или безбедноста. Употребувани заедно со оригинални Opel дискови, тие гарантираат максимална издржливост.

Сите компоненти се одобрени од инженерскиот оддел на Opel, па со тоа се придржуваат до најновите спецификации на GM и гарантираат одличен квалитет. Плочките за сопирачки секогаш треба да се менуваат во пар (комплет на оска).

Оригиналните Opel јаглеродни комбинирани филтри се дизајнирани така да спречат навлегување на штетни гасови, ситни честички и непријатни мириси во кабината од возилото. Особено се корисни за лицата кои имаат проблеми со алергии и астма. Тие ја зголемуваат удобноста на возачот и патниците со тоа што овозможуваат довод на свеж воздух.

Оригиналните Opel јаглеродни комбинирани филтри спречуваат замаглување на стаклата и ги штитат системите за климатизација и греење од нечистотии и постојано трошење, со што ја подобруваат безбедноста при возењето. Opel препорачува промена на полен филтерот за кабина барем еднаш годишно.

Оригиналните Opel браници се квалитетни делови, конструирани да можат совршено да се вклопат и да овозможат возилото да го задржи својот оригинален изглед.

Имитациите се конструирани поинаку, па за да се монтираат можеби ќе треба дупчење на додатни отвори или нивно превиткување. Тоа може да доведе до несовпаѓање на линиите од возилото и намалување на неговата вредност при следната продажба. Оригиналните Opel браници се тестирани на судар ("crash-test") за да обезбедат висока заштита на патниците.

Оштетените затемнети или прегорени светла можат да создадат опасни услови за возење. Со оригиналните Opel предни светла и сијалици, со сигурност ќе ја подобрите видливоста.

Одржувајте ги светлата на вашиот Opel за удобно и безбедно возење. Само оригиналните Opel делови се соодветни и гарантираат функционалност. 

Кога се решавачки рамномерни и ефикасни перформанси, оригиналните Opel главчини и лежишта ги имаат потребните квалитет, сигурност и перформанси – каде и да возите.

Opel нуди поволна поправка со целосна опфатеност и совршено вклопување. Квалитетните оригинални Opel комплети за поправка се достапни за главчините и лежиштата за повеќето модели.

Оригиналните Opel ладилници се сигурни, лесни, отпорни на корозија и нудат оптимална размена на топлина. Opel нуди целосен опсег за примена во сите возила. Ладилникот е срцето на разладниот систем на возилото. Тој ја пренесува топлината од течноста за ладење на моторот надвор во атмосферскиот воздух, а капакот на ладилникот го заптива и го држи под притисок разладниот систем. Оригиналните Opel ладилници осигуруваат совршено вклопување, облик и функционирање. Оригиналните Opel резервни делови се тестирани на судар ("crash-test") за да се обезбедат оптимална безбедност на патниците.

Не верувајте на ништо помалку од квалитетот на Opel!

Висококвалитетен производ со соодветен облик и функционалност за да обезбеди сигурност во перформансите и издржливост. Системот за возење и управување ја поддржува тежината на возилото, ги одржува тркалата во контакт со патот и помага за удобно возење на патниците. Редовното одржување на суспензијата на вашето возило игра голема улога во карактеристиките за управливоста, за чувството на патот и управувањето при ненадејни движења.

Ние препорачуваме визуелна проверка и подмачкување на шасијата при секоја промена на масло, како и темелна годишна проверка на суспензијата, затоа што така се подобрува траењето на гумите.

5W-30 dexos2 е ново, зелено масло со високи перформанси – дизајнирано да обезбеди исклучителна моќ на чистење, абење и севкупна заштита на моторот во комбинација со пониска потрошувачка на гориво. 5W-30 dexos2 обезбедува почист мотор и заштита од кал и штетни таложења предизвикани од зголемената употреба на адитиви од детергенти/дисперзанти.

Го продолжува работниот век и ја одржува ефикасноста на системите за намалување на емисиите (Emission Reduction Systems - DPF и CAT) кај дизел и бензински возила поради ниската содржина на сулфатна пепел, фосфор и сулфур (SAPS). Со примената на 5W-30 dexos2 се постигнува пониска потрошувачка на гориво.

Само оригиналната Opel разладна течност Dex-Cool Longlife обезбедува соодветна заштита од мрзнење и прегревање на разладниот систем и правилна концентрација на адитиви/инхибитори за заштита од корозија, кавитација, талози и пенење.

Таа осигурува потполна компатибилност на материјалите на сите компоненти во текот на целата година и материјалите кои се користат во моторите, на пр. челик, алуминиум, бакар, месинг и пластика што се изложени на разладната течност. Оригиналната Opel течност е интензивно тестирана и потврдена и ги има истите спецификации како и оригиналниот фабрички производ.

Оригиналната Opel течност за стакло е концентрирано средство за чистење за сите сезони наменето за системи за чистење на ветробранско стакло, со својства против замрзнување заради заштита на системот. Погодна е за сите возила со прскалки во облик на вентилатор и дава максимална моќност за чистење со минимален број на бришења.

Отстранува типична нечистотија, масло, саѓи од нафта, сол од патот, силикон и прашина што се ослободува при сопирање. Истовремено ги штити осетливите поликарбонатни леќи од предните светла, бојата, пластичните и гумените делови. Спецификацијата со висок квалитет ја постави на прво место на независните тестови од потрошувачите.

Оригиналните Opel спрејови и коректори ги содржат оригиналните бои на возилата и осигуруваат совпаѓање на боите за лична поправка на мали дамки и гребнатини. Долготрајната формула за сјај овозможува отпорност на временски услови и на гориво, има одличен адхезивен квалитет и комбинација на подобрена цврстина на површината со добра еластичност.

Производите се еколошки. Тие се 100% без тешки метали и фреони и во целосно рециклирачко пакување. Заштитните капачиња и самочистечките вентили од спрејовите овозможуваат чиста и безбедна употреба на производите.